السبت، 15 يوليو، 2017

تمنيت

رحمك الله يا أمي
رحمك الله يانبض قلبي
تمنيتك حولي 
تمنيت لو انك رأيت ابنتي
 لقد اسميتها باسمك علها تاخذ من صفاتك
امي اشتقت لك
امي اشتقت الى ان ارتمي بحضنك 
امي اشتقت لصوتك 
اللهم ارحم امي واحفظ ابنائي
اللهم اجعلني اما كأمي 
اجعلني بحنانها وقوتها وحبها ودفئها
اللهم اجعلها من اهل الجنه

الأحد، 4 يونيو، 2017

رمضان هالسنه غير

مرحبا ومسا الخير للجميع
اولا مبارك عليكم الشهر وكل عام وانتو بخير
ايام حلوة جمعتنا برمضان
ذكريات جميله تخللت هالسنين
طبعن فقدنا اشخاص عزيزين سواء كان ابظرف موت
او رحيل
واكتسبنا صداقات جميله وعلاقات جديده
جو رمضان هالسنه غير
فقدت امي من سنتين وربي رزقني ببنوته
سمية امي ،كل ماشتقت للوالدة قعدت ابوس بالبنت
طبعن في نصكم بيقول مو نفس الشعور ولا نفس الشخص
ولكن كانت امي وانا الحين بمكانها ام
وايد افكر اكون مثل امي بس طيعن النسخه الاصليه
مايضبطون تقليدها فيعني بكون تقليد درجة اولى للوالدة
ربي يجمعنا على خير
وعسى ربي يقدرني ابرها حتى واهي بقبرها
اللهم ارحم امي واجعلها من اهل الجنه

السبت، 13 مايو، 2017

انقطاع وعودة

السلام وعليكم ورحمة الله وبركاته

طبعن مادري بشنو ابدا او شنو اكتب
بس قررت اني ارجع اكتب بعد فتره انقطاع دامت سنتين اعتقد
امم احداث كثيرة مرت بحياتي
اهمها وفاه الوالدة الله يرحمها واللي اثر علي وايد
وقفت الدنيا اي وطبعن يقص عليكم اللي يقول ماتوقف الدنيا على احد
لا توقف وتتغير ويصير في صعوبات باشيا كثيرة
المهم ماراح اذكر هالاشياء
ثاني حدث كبير بحياتي كان زواجي الثاني امم ماعمري
تخيلت او هقيت اني برجع ارتبط مرة ثانيه بحكم اني كنت ابي
مجرد اربي ولدي العود واكرس حياتي له
لكن كلنا نعرف او ندري ان وايد امور تصعب على المره بروحها
وخاصه بوجود ولد ..منها حاجه الطفل لوجود اب
بعد تفكير عميق واستخارات ونظرا للبيئة المحبه اللي كانت محيطه
فيني .. قررت ارتبط بس طبعن شرطي الاول ولدي العود والحمدلله
ربي يسر اموري وارتبطت ونتج عن هذا الارتباط ثمره حلوه سميناها
على الوالده الله يرحمها ....
وايد امور مرة بحياتي بس ذكرت لكم اهمها...
ووايد احلام قررت احققها بس انتظر الفرصه المناسبه
وحاليا مضطرة اني اترككم بهذي الاحداث ونكمل الياي على خير ان شاءلله..

محطة عبور

كانت ايام تجمعنا بالمحبه
صداقه علاقه اخوية علاقه تجاوزت جميع الحدود
علاقه كانت ناجحه لابعد الحدود
تخللتها بعض العتبات ولكنها انقضت باجمل اللحظات
كانت تجمعنا الساعات الدقائق والايام
ولكن علمتنا الحياه ان كل العلاقات تنتهي
 وانها لا تقف عند احد
فالدنيا ما هي الا محطة عبور
جميعنا سنرحل تاركين هذه المحطه لغيرنا