تستهينين فيني لحامد زيد

قصيده روعه للمبدع حامد زيد

طبعا ما اايد كلامه الي يقولة

لان انا ان حبيت مستحيل ابعد الا ان قالي من حبيته ابي فرقاك

بس صراحه قصيدة رائعه جدااااا


والله وصرتي تستهينين فيني


وأنا الذي سويت لج قدر بيدي


تدرين وش كنتي قبل تعرفيني


إن قلت لج كنتي ولا حاجة شوي


أنا الذي فرشت لج رمش عيني



وعملت منج شي وإنتي ولا شي


جيت أعشقج ما جيت لج تحقريني


جيت أسكنج بسمة ماهو بسكنج غي

لا صرت عاملج قدر قدريني


ترا الكرامة صفحة مالها طي


مادام ما جيتي غلا لا تجيني

نار الجفى عندي ولا الذل بالفي


والله لأهجرج قبل لا تهجريني أجل تبيعيني وأجيلج برجلي؟


!ياتتركين الكبر يا تتركيني


لأن المحبة شي والمهزلة شي


إن كانت الدعوة غلاي وحنيني


بكرة يزول الحقد ويشعشع الضي


لكن حكاية ينحني لج جبيني


في ذمتي ما ينحني لج وأنا حي